Супермаркетда картошка билан нонни битта саватга солиб, ўзбекларга соғлиқ тилаган АҚШ элчиси муҳокамаларга сабаб бўлди (видео)
АҚШ элчиси Дениел Розенблюмнинг супермаркетда уйига озиқ-овқат маҳсулотлари харид қила туриб, ўзбекистонликларга ўзбек тилида саломатлик тилагани акс этган видео элчихонанинг ижтимоий тармоқлардаги саҳифаларига жойлаштирилди. Видеода ниқоб тақиб олган Дениел Розенблюм Ўзбекистонда ниқоб тақиб юриш мажбурий этиб белгиланганига тўрт кун бўлгани, у ҳам бошқалар каби айни пайтда аксарият вақтини уйда, оиласи билан ўтказаётганини айтиб ўтади. «Коронавирус Ўзбекистонда ҳам тарқала бошлади. Бу ерда бошқа мамлакатлар каби шифокорларнинг сўзларига қулоқ солишимиз, одамлар билан масофа сақлашимиз, зарурат бўлмаса, кўчага чиқмай, уйда қолишимиз керак», — дейди саватга сабзавотлар жойлаётган элчи. Шундан сўнг элчи картошка солинган саватни кўтариб, ёпган нон турган раста олдига келиб, ўзбекистонликларга соғлиқ ва узоқ умр тилайди ҳамда битта нонни олиб саватга пакетсиз солинган картошка устига қўяди. Ижтимоий тармоқлар фойдаланувчилари видеонинг айнан мана шу қисмига эътибор қаратиб, элчининг ҳаракатларини муҳокама қилмоқда. «Қўлқопингиз қани, акаси? Ишқилиб ‘перчатка’сиз юрганингизда теккан нарсаларингизни жойига қўймай уйга олиб кетдингизми?» , — деб ёзиб қолдирди Instagram фойдаланувчиларидан бири. Яна бир неча фойдаланувчи «Нонни саватга нега соласиз?», «Нон, картошка — ҳаммаси битта идишда» қабилидаги изоҳларни қолдирди. View this post on Instagram #coronavirus #tashkent???????? #uzbekistan???????? A post shared by U.S. Embassy Tashkent (@usembassytashkent) on Mar 27, 2020 at 12:24am PDT