Google 170 миллион доллар жарима тўлайди
![Google 170 миллион доллар жарима тўлайди](https://gdb.rferl.org/044FB72D-3016-4B56-BC36-BFAAD4AA30EE_w800_h450.jpg)
Google корпорацияси ва унга мансуб бўлган YouTube видеосервиси болаларнинг интернетдаги махфийлигини сақлаш тўғрисидаги қонун талабларини бузгани учун 170 миллион доллар жарима тўлайдиган бўлди.
АҚШ Федераль савдо комиссияси ва Нью-Йорк прокуратурасининг билдиришича, YouTube катта ёшдагилардан рухсат олмаган ҳолда балоғатга етмаганлар ҳақида ахборот тўплаганликда ҳамда бу ахборотдан таргет рекламасини намойиш этишда фойдаланган.
АҚШ қонунчилигига асосан интернет-ширкатлар 13 ёшга тўлмаган фойдаланувчилар тўғрисидаги маълумотларни уларнинг ота-оналари рухсатисиз йиға олмайди. Мазкур қонун 1998 йилда қабул қилинган.
Google учун бу энг катта миқдордаги жарима бўлди.