ҚИРҒИЗИСТОН СОБИҚ РАҲБАРИ АТАМБАЕВНИНГ «СИЗО»ДАГИ ҲАЁТИ ҚАНДАЙ КЕЧМОҚДА?..
Қирғизистон собиқ президенти Алмазбек Атамбаев айни кунда мамлакат миллий хавфсизлик хизматининг тергов изоляторида сақланмоқда. Яқинда мамлакатдаги қийноққа қарши огоҳлантирув маркази директори Нурдин Сулаймонов «СИЗО» га бориб Атамбаевнинг аҳволи билан танишди. Атамбаев икки кишилик камерада бир ўзи ётибди экан. Собиқ президент умуман олганда турмадаги шароитдан шикоят қилмаяпти. Ҳеч ким уни қийноққа солиб, ҳақоратлаб безовта қилаётгани йўқ. Тиббий ёрдам ва яқинлари билан қўнғироқлашишда муаммо йўқ. Врачлар кунига уч марта камерага кириб қон босимини ўлчашаркан. Керакли дори-дармонлар бор. Фақат Атамбаев кечаси камерадаги чироқни ўчириб, камера эшигини ёпиб қўйишларига ишора қилди. Лекин кейинроқ тан олиб айтдики, бу икки амал унинг хавфсизлигини таъминлаш учун ўйлаб топилган.
Эслатиб ўтамиз, Қирғизистон собиқ президенти Алмазбек Атамбаев «СИЗО» да шу йил 26 августга қадар ўтиради.