ҚЎЙ-ТОШДАГИ ХУНРЕЗЛИКЛАР. ОТАМБОЕВ ҚЎЛГА ОЛИНДИМИ?.. (Жараённинг давоми)

07.08.2019 22:43

Hordiq.uz

00. 32. Депутат Достон Бекешев ўзининг «Твиттер»даги саҳифасида ёзадики, Қирғизистон ички ишлар вазири ўринбосари Қурсон Асанов ва миллий хавфсизлик хизмати раҳбари Ўрозбек Опумбоевлар Олмосбек Отамбоевнинг тарафдорлари бўлмиш Ирина Карамушкина, Асал Қодуранова, Равшан Жиянбековлар билан музокаралар олиб бормоқда.

00. 35. Бишкек мэри маслаҳатчиси Гуля Олмомбетованинг хабарига қараганда, яраланганларнинг уч нафари махсус хизмат ташкилоти аскари, икки нафари ҳарбий, қолганлар тинч аҳоли вакиллари. Махсус хизмат ташкилоти аскарларидан бири оғир аҳволда. У кўкрак қафаси қисмидан яраланган.

00. 38. Одамлар Қўй-Тошда содир бўлаётган воқеаларни суратга олишда давом этмоқда. Милиция ходимлари ҳам, фуқаролар ҳам ўзларини агрессивларча тутмоқда.

00. 42. Олмосбек Отамбоев уйига иккинчи ҳужум бошлангани ҳақида хабар тарқатилди. Бишкекдан юборилган қўшимча кучлар ҳам етиб келди.

00. 46. Қирғизистон собиқ президенти Олмосбек Отамбоевнинг уйига қилинган ҳужумларда кўкрак қафаси қисмидан яраланган махсус хизмат ташкилоти аскари оламдан ўтди.

00. 55. Қирғизистон соғлиқни сақлаш вазирлиги хабарига кўра, ҳозирга қадар Қўй-Тошдан жами 36 нафар ярадор касалхоналарга ётқизилди. Уларнинг 15 нафари махсус хизмат ташкилоти аскарлари, қолганлар тинч аҳоли вакилларидир.

01. 02. Қирғизистон президенти Сооронбой Жээнбеков Бишкекда хавфсизлик кенгашининг фавқулодда мажлисини чақирди.

01. 26. Дастан Бекешевнинг айтишича, Қирғизистон юқори кенгашининг фавқулодда мажлисини чақириш учун 40 кишининг имзоси зарур. Ҳозир имзо йиғиш бошланган. Натижаси эрталаб маълум бўлади.