Тошкентда янги йўл кўрсаткичлари ўрнатилмоқда
Тошкент шаҳар Туризмни ривожлантириш департаменти томонидан Яккасарой савдо маркази чорраҳаси, шунингдек, Жанубий темирйўл вокзалига кириш ҳудудида хорижий ва маҳаллий сайёҳларга қулайлик яратиш учун туристик йўл кўрсаткичлари ўрнатиш ишлари бошлаб юборилди.
Ушбу замонавий стандартлар асосида ишлаб чиқилган инновацион туристик йўл кўрсаткичининг афзалликларидан бири шуки, у махсус QR-кодга эга. У Google харитаси ёрдамида кўзланган манзилга тез ва осон етиб олишга ёрдам беради.
Мазкур лойиҳаларнинг давомийлигини таъминлаш мақсадида Тошкент шаҳрининг бошқа туманларида туристлар кўп ташриф буюрадиган ҳамда аҳоли гавжум жойларга инновацион туристик йўл кўрсаткичларини ўрнатиш ишлари давом эттирилади.