ХОҲ ИШОНИНГ, ХОҲ ИШОНМАНГ…

 

1. Қисқичбақанинг юраги бошида бўлади.

2. Чўчқа ҳеч қачон осмонга қарай олмайди.

3. От ва каламушнинг ҳеч қачон кўнгли айнимайди.

4. Тимсоҳ овқатни чайнай олмайди, тилини ҳам ҳаракатга келтира билмайди.

5. Туяқуш отдан ҳам тезроқ югуриб, шердек наъра тортишни қойиллатади.

6. Акула дунёдаги саратон хасталиги яқинлаша олмайдиган ягона жонивордир.

7. Горилла суткасига 14 соат ухлайди.

8. Итнинг кўриш қобилияти одамникидан юқори, аммо у рангларни бир-биридан ажрата олмайди.

9. Фарзандли бўлишга қарши дорилар одамга қандай таъсир ўтказса, гориллага ҳам худди шундай таъсир қилади.

10. Дунёда олтин қурбақалар ҳам бор. Фақат улар камчиликни ташкил этади ва алоҳида қўриқхонада сақланади.

11. Каламуш туядан ҳам кўпроқ вақт сув ичмасдан яшай олади.

12. Хитойликларнинг гапига қараганда, қўнғизнинг мазаси олманинг, ариники кедр ёнғоғининг, қурт эса ингичка қилиб тўғраб қовурилган мол гўшти мазасини бераркан.

13. Типратиконнинг юраги бир дақиқада 300 марта уради.

14. Туянинг киприклари уч қатор бўлади. Улар жониворни саҳродаги тўзонлардан асрайди.

15. Эшакнинг кўзлари шундай жойлашганки, бир вақтнинг ўзида тўртала оёғини ҳам кўра олади.

16. Товуқ учса, парвози атиги 13 сониягина давом этади.

17. Жирафнинг тили 50 сантиметрга тенг. Шунинг учун тили билан қулоқларини бемалол тозалай олади.

18. Туяқушнинг кўзлари миясидан ҳам каттароқ.

19. Хамелеон кўр бўлиб қолган тақдирда ҳам рангини атроф-муҳитдаги вазиятларга қараб ўзгартириш имконига эга бўлади.

20. Оқ айиқларнинг барчаси чапақай.

21. Чақадиган оқ пашшанинг 47 та тиши бор.

22. Отнинг жинсини тишларига қараб аниқлаш мумкин. Урғочисида 40 та, эркагида 36 та тиш бўлади.

23. Урғочи филнинг ҳомиладорлик даври 2 йил давом этади.

24. Товуқни чалқанча ётқизиб қўйилса, донни юта олмайди.

25. Пингвин юқорига бемалол сакрай оладиган ягона қуш туридир.

26. Мушуклар бундан 7 минг йил аввал уй ҳайвонига айланган.

27. Қурбақанинг ғалати бир тури бор. Уни «Қурбақа-рогатка» деб номлашган. Шу қурбақанинг ғазабини қўзғасангиз, кўзларидан қон ота бошлайди.

Олимжон ҲАЙИТ тайёрлади