Тошкент шаҳар ИИББ медиа маркази раҳбари тайинланди
Ирина Сайфутдинова Тошкент шаҳар ИИББ мультимедиа маркази раҳбари бўлди.
Капитан Сайфутдинова Ирина Владимировна Тошкент шаҳар ИИББ ахборот мультимедиа маркази бошлиғи - бош бошқарма бошлиғининг матбуот котиби лавозимига тайинланди, дейилади ИИББнинг хабарида.
Ирина Сайфутдинова 1974 йилда туғилган, Ўзбекистон миллий университетини тамомлаган. Мудофаа вазирлигининг "Ватанпарвар" газетасида мухбир ва ИИВ бирлашган таҳририятида бўлим мудири сифатида фаолият олиб борган.
Тайинловга қадар 2018 йилнинг март ойидан буён Тошкент шаҳар ИИББ ахборот мультимедиа маркази бошлиғининг ўринбосари-бош муҳаррири бўлиб ишлаган.
Бу лавозимда унинг ўрнини катта сержант Шираева Эътибор Рустамовна эгаллаган.