Сурияда курдлар ўзбекистонлик жанггариларни қўлга туширди
Сурия курдларининг мудофаа отряди бўлган YPG ташкилоти “Ислом давлати” гуруҳининг саккиз нафар аъзоси қўлга олинганини билдирди. Новости агентлигининг 9 январда билдиришича, қўлга олинганлардан икки нафари ўзбекистонлик экани аниқланган.
Бундан ташқари қўлга тушганлар орасида Россия, АҚШ, Германия, Украина, Қозоғистон, Тожикистон фуқаролари бор.
YPG ташкилотининг расмий сайтида қайд этилишича, жанггарилар 6-7 январь кунлари Хаджин шаҳрида ўтказилган махсус амалиёт пайтида қўлга олинган.
2015 йилда “Исломий давлат”га яқин манба Озодлик радиосига Сурия ҳудудида ўлган ўзбекистонлик жангарилар сони камида 900 нафарга етгани ҳақида айтган эди. Аммо Озодлик бу норасмий иддаони тасдиқлаш ëки инкор этиш имконига эга эмас.
Суриядаги ўзбек жиҳодчилари иддаосича¸ бу ерда жанг қилган ўзбекистонликлар сони 3000-4000 нафарни ташкил этган.