Марказий Осиё президентларининг иккинчи учрашуви Тошкентда ўтказилади
![Марказий Осиё президентларининг иккинчи учрашуви Тошкентда ўтказилади](https://gdb.rferl.org/286173D2-E9F4-4AE6-A70F-FA00694B5411_cx0_cy3_cw0_w800_h450.jpg)
Президент Шавкат Мирзиёев ва Қозоғистон раҳбари Нурсултон Назарбоев ўртасида 19 ноябрда бўлиб ўтган телефон мулоқотида 2019 йилда Тошкентда ўтказиладиган Марказий Осиё президентларининг иккинчи маслаҳат учрашувига тайёргарлик ишлари хусусида фикр алмашилди.
Президент матбуот хизматининг маълум қилишича, мулоқот аввалида дўстлик, яхши қўшнилик ва стратегик шериклик муносабатлари изчил мустаҳкамланиб бораётганини чуқур мамнуният билан қайд этилди.
“Қозоғистонда Ўзбекистон йили доирасида ишбилармонлик ва маданий-гуманитар алмашув дастури сермазмун бўлгани қайд этилди. Йил бошидан буён жами 50 дан ортиқ қўшма тадбир ўтказилгани бунинг тасдиғидир”, дейилади расмий хабарда.
Шундан сўнг Марказий Осиё президентларининг иккинчи маслаҳат учрашувига тайёргарлик ишлари ҳақида ҳам сўз бўлган.
Марказий Осиё президентларининг биринчи маслаҳат учрашуви жорий йилнинг 15 мартида Шавкат Мирзиёев ташаббуси билан Астанада ўтказилган эди.