“Евровидение” танловида исроиллик қўшиқчи Netta ғолиб бўлди
“Евровидение” қўшиқ танловида исроиллик қўшиқчи Netta (Нетта Барзилай) ўзининг “Toy” (ўйинчоқ) ашуласи билан ғолиб бўлди.
Ҳакамлар ҳайъати ҳамда телетомошабинлар овоз бериб бўлганидан кейин, қўшиқчи умумий ҳисобда 529 балл тўплади.
Энди кейинги йил танлов Исроилда бўлиб ўтади.
Ўтган йили Украинанинг Киев шаҳрида бўлиб ўтган “Евровидение” қўшиқ танловида португалиялик Салвадор Собрал ғолиб бўлгани учун бу йилги танловга мезбонлик ҳуқуқини Лиссабон қўлга киритган эди.
Собиқ совет ўлкалари орасида Молдова ва Украина қўшиқ танловининг финалига чиқди.
Бу йил 1956 йилдан буён ҳар йили ўтказиб келинаётган қўшиқ танловида Европанинг 46 давлатидан қўшиқчилар қатнашади.