Покистон АҚШ дипломати мамлакатни тарк этишига тўсқинлик қилди
Покистон одам ўлишига сабаб бўлган автоҳалокат иштирокчиси бўлган АҚШ дипломати мамлакат ҳудудидан чиқиб кетишига тўсқинлик қилди.
Маҳаллий матбуот тарқатган хабарларга кўра, бундан бир кун аввал Исломобод суди 7 апрель куни содир бўлган, 22 ёшли мотоцикл ҳайдовчиси ўлимига сабаб бўлган автоҳалокат иштирокчиси бўлган америкалик дипломат дахлсизлик ҳуқуқидан фойдала олмаслиги ҳақида қарор чиқарган.
The Assosciated Press агентлиги икки нафар исми ошкор қилинмаган хавфсизлик расмийсига таяниб, 12 май куни АҚШ ҳарбий атташеси полковник Жозеф Эммануэль Холлни олиб кетиш учун келган учоқ қайтиб кетгани ҳақида хабар қилди.
Агентлик хабарида ёзилишича, хавфсизлик расмийлари матбуотга ҳеч нима айтмаслик ҳақида кўрсатма берилгани учун аноним тарзда интервью берган.
Холл 7 апрель куни светофорнинг қизил чироғи талабларига бўйсунмай мотоцикл ҳайдовчиси Атиқ Баигни уриб ўлдиришда айбланмоқда.
АҚШнинг Илсомободдаги элчихонаси ушбу ҳолатни шарҳлашдан бош тортди. АҚШ Давлат департаментининг Вашингтондаги матбуот котиби эса хабарларни на тасдиқлади, на инкор этди.