АҚШ қирувчи учоқлари Аляска яқинида Россия бомбардимончиларини ортга қайтарди
Ҳодиса жума куни рўй берди.
CNN телеканалининг хабар беришича, Россия учоқлари Аляска қирғоқларига 300 километрча яқин боргач АҚШ учоқлари ҳавога кўтарилган.
АҚШ ҳарбий қўмондонлиги расмийлари Россия учоқлари АҚШ ҳаво ҳудудига ўтмагани, бомбардимончилар фақатгина халқаро денгиз сувлари устидан учиб ўтганини билдирди.
Россия Мудофаа вазирлиги расмийси эса ўз давлати бомбордимончи учоқлари режа бўйича нейтрал денгиз сувлари устида учишларни амалга оширганини айтди.
Россия учоқларининг ўзга давлат ҳаво ҳудудига яқинлашгани ҳодисалари сўнгги пайтда тез-тез рўй бермоқда.
Бундан аввал Болтиқ денгизи ва Шимолий денгизи узра шундай инцидентлар кузатилганди.