Pashinyan iqtidordagi partiya bilan hamkorlikka hozirligini bildirdi

Armaniston muxolifati yetakchisi Nikol Pashinyan mabodo bosh vazir etib saylansa, Armanistonning hokimiyatdagi Respublikachilar partiyasi bilan hamkorlik qilishni istisno etmasligini bildirdi.

− Hamkorligimiz siyosiy vaziyatga bog‘liq bo‘ladi, − dedi Pashinyan jurnalistlarga 5 may kuni. – Bizni kelajakka boshlaydigan turli vaziyatlar bo‘lishi mumkin.

Uning fikricha, asosiy maqsad “murosa hukumatini tuzishdan iborat”dir.

Ushbu Kavkaz mamlakatida so‘nggi biri necha hafta mobaynida yuz bergan noroziliklar to‘lqiniga rahbarlik qilgan Pashinyan bugun bosh vazirlik lavozimiga asosiy nomzod bo‘lib turibdi.

Hukumatga qarshi norozilik namoyishlari Respublikachilar partiyasi yetakchisi va sobiq prezident Serj Sargsyanni parlament o‘zini bosh vazir etib saylagandan so‘ng oradan bir necha kun o‘tib, iste’fo chiqishga majbur qildi.

Shungacha u ikki muddat – 10 yil prezidentlik qilgan, ammo o‘tgan oyda rahbarlik muddati tugagani uchun chetga chiqishga majbur bo‘lgan edi.

Biroq oradan ko‘p o‘tmay Respublikachilar partiyasi ko‘pchilikni tashkil qiluvchi parlament uni bosh vazir etib tayinladi. Oldinroq Konstitutsiyaga kiritilgan o‘zgarishlarga ko‘ra, prezident vakolatlari bosh vazirga o‘tkazilgan edi.

Ushbu qadamdan so‘ng Pashinning da’vati bilan minglab kishilar ko‘chalarga namoyishga chiqdi. Ularni norozi qilgan narsa Sargsyanning yana noma’lum muddat rahbar bo‘lib qolishi mumkinligi bo‘ldi.

1 may kuni bo‘lib o‘tgan parlament majlisida Pashinyan yakka o‘zi bosh vazirlikka nomzod qilib ko‘rsatilgani qaramay, saylanmay qoldi. Ammo 3 may kuni o‘zi boshliq Yelk fraksiyasi uni yana bir marta nomzod qilib ko‘rsatdi.

U ayni apytda 105 o‘rinlik parlamentda 41 nafar deputatning qo‘llab-quvvatloviga ega. Navbatdagi saylov 8 may kuni bo‘lib o‘tadi.

Respublikachilar partiyasini parlamentda 58 nafar deputati bor. Lekin bu safar ular kimni dupetatlarning 1/3 qismi qo‘llab-quvvatlasa, o‘shanga ovoz berishni rejalashtirmoqda.

Hukmron partiyaning o‘sha va’dasiga ishongan Pashinyan tarafdorlarini ko‘chaga chiqmay turishga ko‘ndirdi. O‘zaro muloqot ayni paytda Feysbuk orqali davom etmoqda. Yetakchi ularga Respublikachilar partiyasi va’dasini bajarishi uchun 8 may kuni namoyishga chiqishga tayyor turishni tayinlab qo‘ydi.

Armaniston konstitutsiyasiga ko‘ra, bosh vazir ikkinchi urinishda ham saylanmasa, parlament tarqatib yuboriladi. Navbatdagi parlament saylovini tashkil qilishga hokimiyatdagi partiya mas’ul bo‘ladi.

Pashinyan Respublikachilar partiyasi o‘tkazadigan saylov odil bo‘lmasligini aytib, uni hokimiyatni topshirishga da’vat qildi.

U 5 may kuni jurnalistlarga faqat bosh vazir bo‘lgach va o‘zi “saylov qonuniy va oshkora o‘tishiga ishonch hosil qilgach”, muddatidan oldin saylov o‘tkazishini aytdi.

Pashinyan 3 may kuni Rossiya, Qo‘shma Shtatlar, Gruziya va Yevropa Ittifoqi elchilari bilan uchrashib, mamlakatdagi siyosiy tanglikni tartaraf qilish ustida ish olib borayotganini ma’lum qildi.