Ukrayına arbiyleri bir künde Rusiye uçurğan 20 uçucısızdan 15-ini tüşürdi – Ukrayına Silâlı quvetleriniñ Baş ştabı

Ukrayına arbiyleri keçken künü Rusiye uçurğan 20 Shared-136 uçucısızından 15-ini tüşürdi, dep haber etti oktâbrniñ 20-nde aqşam Ukrayına Silâlı quvetleriniñ Baş ştabı.

«Duşman Ukrayına vatandaş infrastrukturasına qarşı İran uçucısızlarını qullanıp darbe endirdi. 20 uçucısızdan 15-i Ukrayına Silâlı quvetleri tarafından tüşürildi», – dep aytıla haberde.

Ukrayına Silâlı quvetleriniñ Baş ştabı bir künde zaptçılar üç raketa ve 20 aviatsiya darbesini endirdi, reaktiv toplu ateş sistemalarından 10 kere ateş açtı, dep qoştı. «Duşmannıñ darbesine 20 mesken yer oğradı. Hususan, Donetsk vilâyetiniñ Ternı, Bahmut, Ugledar ve Kamışevahası», – dep aytıla haberde.

Bugün Ukrayına Silâlı quvetleriniñ Baş ştabı Baş operativ idaresiniñ yolbaşçı muavini, brigada generalı Aleksey Gromov bildirgenine köre, oktâbrniñ 10-ndan soñ Rusiye Ukrayınağa qarşı raketa ateşlerini yedi qat arttırdı.

Onıñ aytqanına köre, Rusiye ordusınıñ kamikadze-dronlarını qullanuvı oktâbrniñ 10-ndan soñ arttı. «Oktâbrniñ 10-ndan duşman 176 uçucısıznı qullandı, keçken üç ayğa baqqanda 2,5 qat çoq», – dep qayd etti o.

Soñki vaqıtları Rusiye ordusı Ukrayına energetika infrastrukturasına qarşı ateşlerini quvetleştirdi. Ücüm içün olar qanatlı raketalarnı qullana, «topraq-topraq» ava mudafaası raketalarını ve İran bergen Shahed-136 kamikadze-dronlarını qullana.

Rusiye prezidenti Vladimir Putin oktâbrniñ 10-nda Rusiyeniñ Ukrayınağa, hususan energetika obyektlerine darbe endirgenini tasdıqladı. Aynı vaqıtta o, «Rusiye toprağında terror ücümlerini kerçekleştirmege tırışsalar», yañı ücümnen qorquzdı.

Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.