Donetskte ölüm cezasına mahküm etilgen mağripliniñ Ukrayina vatandaşlığı bar
"DNR" qanunsız silâlı müfrezesiniñ boyevikleri "ücretli asker" olması ile qabaatlap, ölüm cezasına mahküm etken mağripli Saaduna Bragimniñ babası oğlunıñ Ukrayina vatandaşlığı olğanını ve oña buña köre davranmaq kerek olğanlarını bildirdi.
Bragim 2020 senesi Kıyvdeki bir universitette aerokosmik tehnologiya üzre tasil almaq şartı olaraq bir yıllıq arbiy tasil alğan soñ Ukrayina vatandaşlığını alğan. Bungı babası Tahar Saadun Reuterske elektron mektübinde haber etti.
Saadun Bragim "öz ihtiyarınen" teslim oldı ve oña "arbiy esiri" kibi baqılmalıdır, dedi babası ve çıqarılğan "üküm" temyiz etilecegini bildirdi.
"Biz bir aile olaraq uquqiy malümat deñişüvi içün advokat ile alâq olmağanından qıynalamız ve bu imtiannı daa da arttıra", - dedi o.
İyünniñ 9-nda "DNR" qanunsız silâlı müfrezesiniñ "Yuqarı mahkemesi" Ukrayina Silâlı Quvetleriniñ terkibinde cenkleşken ve esir etilgen üç ecnebiyni ölüm cezasına mahküm etti.
Söz eki britaniyalı Şon Pinner ve Eyden Eslin, mağripli Saadun Bragimaqqındadır. Episi USQ añlaşmanı keniş mıqyaslı istilâ başlamazdan evel imzalağan edi.
Ukrayina TİN temsilcisi Oleg Nikolenko Azatlıq.Radiosına bildirdi ki, Ukrayina Silâlı Quvetleriniñ terkibinde cenkleşken bütün ecnebiyler USQ-niñ arbiy hızmetlçileridir, olarnıñ kombatant statusı bar ve olar esirlikte arbiy esirlerniñ aqlarından faydalanalar.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.