Kuleba: halqara formatlarnen «Qırım platforması»nıñ sinegriyası üzerinde çalışacaqmız
Evel, Emine Ceppar böyle tedbirni er yıl keçirmek ve onı keçirdirmek imkân olmağanını bildirdi. Kuleba muavininiñ bildirmesini tevsir etip, qayd etti ki: «Bellesem, Emineniñ bu mevamı keñiş köntekstten tış edi. Eki şeyni aytmaq isteyim. Birincisi. Ukraina, topraqlarını işğalden azat etmek içün paranı, adamlarnı ve serbestlikni er vaqıt tapacaq».
«Ve ekincisi. Qırım platformasını iç bir yerde taşlamaycaqmız. Çünki bu mustaqil bir mehanizm. Amma Qırım platformasınıñ diger halqara formatlar, şu cümleden BMT sinegriyası üzerinde çalışacaqmız», – dedi o.
Ukraina TİN Dmıtro Kuleba avgustnıñ 23-nde Kyivde keçirilecek «Qırım platforması» sammiti iştirakçileriniñ tolu cedvelini ilân etti.
Ukraina prezidenti ofisiniñ reber muavini İğor Jovkva «Qırım platforması» boyunca halqara sammit Ukrainada 2021 senesi avgustnıñ 23-nde olacaq, dep bildirgen edi.
Ukraina Tış işler naziriniñ birinci muavini Emine Ceppar Qırım.Aqiqat Radiosınıñ yaynında, kelecek yılnıñ mayıs ayında keçirilmesi planlaştırılğan yarımadanı işğalden azat etüv «Qırım platforması»sammitiniñ neticelerine köre muvafıq beyanname qabul etilecek, dep bildirdi.
Avgustnıñ 12-nde Kreml kontrolindeki Qırım Nazirler şurasınıñ reis muavini, Rusiye prezidenti yanındaki Qırım vekili Georgiy Muradov «Qırım platformasınıñ» iştirakçilerini «ağır aqibetler» bekley, dep bildirdi.
Rusiye Tış işler nazirliginiñ spikeri Mariya Zaharovanıñ aytqanına köre, Rusiye tarafı Ukraina teşebbüsinen keçirilecek Qırım platformasında iştirak etmege azır, amma meydançıqta yarımada problemleri muzakere etilmeli – suv teminlevinden naqliyatqa qadar.