Rusiye KHV Ukraina sıñırındaki informatsion meydannı «bastırmağa» areket eteler – Slobodyan

Soñki künlerde Rusiye KHV Ukraina ve Qırım memuriy sıñırındaki yaqalavlar aqqında yalan haberlerpeyda olıp başladı. Qırım.Aqiqatnen közetilgen bu şeylernen, Ukraina Devlet Sıñır hızmetiniñ sözcüsi Oleg Slobodyan paylaştı.

 «Soñki bir qaç kün içinde bizler, Rusiye KHV tarafından tarqatılğan, kerçekte ise temelsiz bazı bir yaqalavlar yapılğanı aqqında provokatsion ve şübesiz ki, yalan malümatlarnıñ artqanına şaat olmaqtamız. Büyük ihtimal bu Ukraina sıñırında şu cumleden Rusiye Federatsiyas, bir qaç devlet vatandaşlarına nisbeten qullanılıp başlağan biometrik kontrolnen bağlıdır. Böylelikne KHV informatsion meydanda üstünlik qazanıp, yalan haberler tarqatmaqta», – dep tarif etti o.

Ukraina prezidentiniñ 2018 senesi yanvarniñ 1-nden başlap devletimizge kirgen çetel, şu cumleden Rusiye vatandaşlarına nisbeten biometrik nezaret uyğulanacağınen bağlı fermanı, sentâbrnin 2-nden itibaren küçke kirdi. Sıq olaraq biometrik keçiş noqtaları dekabrniñ 27-nde çalışıp başladı.

Ukraina sıñır hızmeti bildirgenine köre: biometrik nezaret yarımada memuriy sıñırından keçken Qırım sakinlerine tesir etmeycek.

İyül ayında Rusiye tış işleri nazirligi Ukrainanıñ, onıñ sıñırını kesip keçkenRusiye vatandaşları içün devlet sıñırları içindeki areketini nezaret etilmesi içün mahsus rejim kirsetüv planlarını tenqit etken edi.

 Halqara teşkilâtlar Qırımnıñ istilâsı qanunsız olğanını tanıdı ve Rusiyeniñ areketlerini tenqit etti. Ğarp memleketleri bir sıra iqtisadiy sanktsiyalar kirsetti. Rusiye yarımada ilhaqını inkâr etip, buña «tarihiy adaletniñ tiklenmesi» dey.Ukraina Yuqarı Radası 2014 senesi fevral ayınıñ 20-sini Rusiye tarafından Qırımnıñ muvaqqat işğaliniñ resmiy başlanğıç künü olaraq qabul etti.