Трамп гуфт, нерӯҳои амрикоӣ дар минтақа мемонанд
Президенти Амрико эълон кард, нерӯҳои амрикоӣ то замони даст ёфтан ба як "созиши ҳақиқӣ", дар "дохил ва атрофи Эрон" боқӣ хоҳанд монд.
Зеро ба бовари Трамп, оташбаси шикананда байни ИМА ва Эрон асосан бинобар ончи Вашингтон "сӯитафомҳум" дар мавриди онки оё ин оташбас шомили "Ҳизбуллоҳ"-и Лубнон мешавад, номуайян аст.
"Ҳизбуллоҳ"-и Лубнон, ки як гурӯҳи ниманизомӣ аст, аз сӯи Эрон ҳимоят мешавад ва Амрикову Исроил онро гурӯҳи террористӣ медонанд. Ин гурӯҳ дар порлумони Лубнон намояндагони худро дорад.
Трамп рӯзи 8 апрел дар шабакаи Truth Social айни ҳол ибрози боварӣ итминон кард, ки созиши пойдор бо Эрон ба даст хоҳад омад ва иҷро хоҳад шуд.
Ӯ афзуд, агар ба ҳар далеле чунин нашавад, ки ба гуфтаи ӯ "аз эҳтимол дур" аст, даргирӣ дар сатҳе "бисёр калонтар, бартар ва қудратмандтар аз ҳар ончӣ то кунун дида шудааст", оғоз хоҳад шуд.
Қарор аст ҳайатҳои Эрон ва Амрико рӯзи 10 апрел дар Исломобод, пойтахти Покистон пойи мизи музокирот биншинанд. Тарафҳо баъд аз 40 рӯз ҷанг, 8 апрел ба оташбаси дуҳафтаӣ розӣ шуданд.
Бо вуҷуди онки Амрико ва Эрон ҳар ду дар ҷанге, ки шаш ҳафта давом кард ва ҳазорон кушта ба ҷой гузошт, эълони пирӯзӣ кардаанд, ихтилофоти асосӣ ҳанӯз ҳал нашудааст ва ҳар ду тараф ба хостаҳои худ барои даст ёфтан ба созише, ки метавонад ояндаи Ховари Миёнаро шакл диҳад, пофишорӣ мекунанд.