Нерӯҳои мусаллаҳи Эрон: Нишонаҳое аз бархӯрди гулӯла дар чархболи Раисӣ мушоҳида нашуд

Ситоди кулли неруҳои мусаллаҳи Эрон рӯзи панҷшанбе нахустин гузориши худро дар бораи вожгунии чархболе, ки раиси ҷумҳури он кишвар Иброҳим Раисӣ савори он буд, нашр кард. Дар ин гузориш омадааст, "нишонаҳои бархӯрди гулӯла ва ё мавридҳои монанд ба он дар пораҳои боқимондаи чархболи сарнагуншуда дида нашудааст".