سختو واورو او بارانونو څه باندې ۶۰ کسان مړه کړي او له سلو ډېر کسان ټپیان دي
د طالبانو د حکومت د پېښو په وړاندې د مبارزې ملي ادارې اعلان کړی چې په تېرو دریو ورځو کې د افغانستان په بېلابېلو سیمو کې د واورو او بارانونو له امله له ۶۰ ډېر کسان مړه شوي او له سلو ډېر ټپیان دي.
د دې ادارې ویاند، محمد یوسف حماد، په یو ویډیو بیان کې چې نن د یادې ادارې پر فیسبوک پاڼه خپره شوې ویلي دغه راز ۴۵۸ کورونه په بشپړ یا نیمه ډول ویجاړ شوي دي.
د ملګرو ملتونو سازمان هم ویلي چې د ژمې په دې سړه هوا کې په یو شمېر ولایتونو کې واوره ښوېدنه د کورونو د وېجاړېدو او د ټرافیکي پېښو لامل شوې ده.