پاکستان کې له نن څخه د پېټرولو او ډيزلو بيې لوړې شوې دي
د پاکستان حکومت د اکتوبر ۱۵مې پورې د پېټرولو او ډیزلو د بیو لوړولو اعلان کړی دی.د خزانې وزارت د سېپټېمبر پر ۳۰ په بیان کې ویلي چې د اکتوبر له لومړۍ نېټې څخه تر ۱۵مې پورې د پېټرولو په یو لیټر نرخ کې د ۴ روپو او ۷ پیسو زیاتوالی کوي چې ورسره یې د یو لیټر نرخ ۲۶۷ روپیو ته رسېدلی دی.
حکومت د ډیزلو بیه ۴ روپۍ او ۷ پیسې لوړ کړی چې ورسره د یو لیټر ډیزلو بیه څه باندې ۲۷۶ روپۍ ته رسېدلې.
حکومت تر دې مخکې هم په جولای کې د تېلو بیې لوړې کړې وې.
پاکستان په ۲۰۱۹ز کال کې د لوی اقتصادي او مالي بحران له ښکار کېدو راهیسې د پیسو له نړیوال صندوق (ای اېم اېف) سره د پور یو لړ موافقې کړې دي او د هغې مالي ادارې د شرطونو پوره کولو لپاره یې پر انرژۍ د حکومتي رعایتونو ختمولو ته دوام ورکړی دی چې له کبله یې د تېلو، ګېس او برېښنا بیې لوړې شوې دي.