طالبانو د بېلابېلو جرمونو په تور درې کسان په دورو وهلي
سترې محکمې پر خپله ویبپاڼه په جلا جلا خبرپاڼو کې ویلي چې په ارزګان کې یو کس د( لواطت) او پکتیکا کې یو بل کس د ( اخلاقي) فساد په تور نهه دیرش -نهه دیرش دورې ووهل شول.
د دوی د معلوماتو له مخې یو بل کس په کندز کې د غلا په تور ۳۹ دورې وهل شوی دی.
په ارزګان او پکتیکا کې د دورو وهلو د څرنګوالي معلومات نشته، خو ویل شوي چې کندز کې تورن کس باندې په عام محضر کې سزا عملي شوې ده.
د بشري حقونو ملاتړي او ملګري ملتونه د طالبانو پر دې ډول سزاو تل نیوکې کوي او د بشري حقونو نقض یې بولي.