د لوبو له ميدانه؛ افغان کرکټ لوبډله د اتلولۍ له جام سره کابل ته ستنه شوه

د لوبو له میدانه اوونیزې سپورټي خپرونه کې به واورئ؛ هندوستان نه‌غواړي په چمپینز ټراپۍ کې د ګډون په موخه پاکستان ته سفر وکړي.


افغان کرکټ ملي لوبډله بنګله‌‌دېش ته تر ماتې ورکولو وروسته کابل ته ستنه شوې او مسولینو یې هرکلی کړی.


دغه‌راز دا به هم واورئ چې، د بدن ښکلا او فزیکي تکړښت په برخه کې افغانستان اووه مډالونه وګټل.


په نړيوال جام کې د افغانستان د نابينايانو د کرکټ ملي لوبډلې ګډون، له تاجکستان او نيپال سره د افغان فوټبال ملي لوبډلې سيالۍ او اسيا جام کې د ګډون په موخه د کرکټ د نولس کلنو ځوانانو لوبډلې چمتووالی نور هغه مطالب دي چې دې خپرونه کې به درته وړاندې شي.


دا خپرونه چې بختیار ساحل چمتو کړې، د لاندې لینک په کېکاږلو سره یې اورېدلی شئ: