ملا هبت الله: بنديانو سره دې شرعي چلند وشي
د طالبانو د اعلامیې له مخې، اخندزاده دغه څرګندونې پرون د دفاع وزارت د استخباراتو معینیت او د قل اردوګانو د مسولانو غونډې ته په وینا کې کړي دي.
د اعلامیې په حواله هبت الله اخندزاده له طالبانو غوښتي چې خپلې لیکې تصفیه او نا مطلوبه کسان باید په دندو ونه ګماري.
څو ورځې وړاندې د طالبانو د رئیس الوزرا مرستیال عبدالسلام حنفي هم یوې غونډې ته وویل " له اسیرانو سره بد چلند او د هغوی وژل" په هیڅ صورت د منلو نهدي.
د طالبانو مشران دغه څرګندونې وروسته تر هغه کوي چې په پنجشېر ولایت کې څه موده وړاندې د طالبانو لهخوا د جنګي اسیرانو د وژلو ویډیوګانې خپرې شوې او د ملګرو ملتونو په ګډون یې دبېلابېلو خواو غبرګونونه وپارول.