جان کربي: روسيه هڅه کوي د اوکراين ډېره ځمکه له خپلې خاورې سره يو ځای کړي

سپینه ماڼۍ وایي، روسیه هڅه کوي چې د اوکراین ډېره ځمکه له خپلې خاورې سره یوځای کړي او په هغو سیمو کې چې روسیي ځواکونو لاندې کړې دي هلته خپل لاسپوڅي مشران وګماري.


د ملي امنیت د شورا ویاند جان کربي پرون په سپینه ماڼۍ کې خبرې غونډې ته وویل چې روسیه همدا راز دې ته تیاری نیسي چې روبل په زوره په خلکو ومني او خلک په زوره هڅوي چې روسي تابعيت واخلي.


جان کربي زیاته کړه چې په راتلونکو څو ورځو کې به واشنګټن له اوکراین سره د نورو وسلو د ورکړي اعلان وکړي.