پکتیا کې بې وزله مېرمنو ته د کرنیزو محصولاتو زده کړه پیلېږي
د پکتیا د کرنې رئیس ولید احمد تسل نن ازادي راډيو ته وویل، د زده کړو په دغې دوره کې مېرمنو ته د دې زده کړه ورکول کېږي چې د خپل وړې کرنیزې ځمکې نه څنګه داسې استفاده کولای شي چې حاصلات يې بازار ته هم وړاندې شي.
ښاغلی تسل وايي، د دغه پروګرام له لارې يي تردې دمه ۲۶۰۰ کورنۍ تر پوښښ لاندې نیولي دي.
د پکتیا د کرنې ریاست په وینا دا ډول پروګرامونه د بې وزله مېرمنو او کورنیو په اقتصاد مثبت اغېز درلودلی شي.