مایک پامپیو له خپل پاکستاني سیال سره وکتل
دا د پاکستان د نوي حکومت د جوړېدو راهیسي د یوه لوړ پوړي امریکایي ډیپلومات لومړنی رسمي سفر دی.
ښاغلي پامپیو د پاکستان له نوي صدراعظم عمران خان سره د لیدو پر مهال د پاکستان د بهرنیو چارو وزیر شاه محمود قریشي سره د خپلې لیدنې ستاینه وکړه او هغه یې عالي وبلله.
عمران خان په دې لیدنې کې ویلي چې له واشنګټن سره د اسلام آباد د اړیکو ښه کېدو ته هیله مند دی:
"زه له خوشبینۍ سره نړۍ ته راغلی یم، ورزشکار تل خوشبین وي ځکه کله چې میدان ته ځي غواړي ګټونکي وي."
د دواړو هېوادونو اړیکې وروسته له هغه لا ترینګلي شوې چې امریکا پر پاکستان د درې سوه میلیونه ډالرو مرستي د لغو کېدو اعلان وکړ.
پنتاګون وایي، پاکستان په خپله خاوره کې د تندلارو ډلو پر وړاندي کافي اقدامات نه دي کړي.
ټاکل شوې د امریکا د بهرنیو چارو وزیر هند ته هم سفر وکړي.