ترکيه: د ټکر په پېښه کې افغان پناه غوښتونکي هم مړه شوي
په ټرافيکي پېښه کې چې پرون ناوخته په ايګدير ولايت شوې، ٣٦ نور کسان ټپيان شوي دي.
د ايګدير والي انور اونلو نن وويل، يو موټر چې پناه غوښتونکي په کې سپاره وو، د سړک د غاړې څراغ له پايې سره ټکر شوى او اور يې اخيستى دى.
ځينې نور کسان هغه وخت مړه شول، يو بل موټر چې په هغه کې هم پناه غوښتونکي سپاره وو، پر دوى وربرابر شو.
دولتي خبري اژانس انادولو ويلي، چې دغه پناه غوښتونکي د افغانستان، پاکستان او ايران وګړي دي او موټرونه يې په غيرقانوني ډول له ايران څخه ترکيې ته اوښتي وو.