نیکولاس سارکوزي له قذافي نه د مالي مرستې د اخیستو په تور توقیف شوی
د راپورونو له مخې له سارکوزي څخه د پاریس د لوېدیځې برخې د پولیسو په یوه مأموریت کې پوښتنې ګروېږنې وشوې.
د فرانسې چارواکو د دغو ادعاوو په اړه یوه قضایي څېړنه په ۲۰۱۳ کال کې پیل کړه ترڅو دا وڅېړي چې د ۲۰۰۷ کال په انتخاباتو کې د هغه په بریالیتوب کې د قذافي لهخوا مالي مرستو څومره مرسته کړې وه.
دا لومړی ځل دی چې د دغې څېړنې په ترڅ کې له سارکوزي څخه تحقیقات کېږي.
په دې اړه د سارکوزي وکیل سمدستي څرګندونې نهدي کړي.
سارکوزي چې د ۲۰۰۷ او ۲۰۱۲ کلونو ترمنځ ولسمشر و، له خپل کمپاین سره د هر ډول غیر قانوني مالي مرستې مسئله رد کړې ده.