د سوریې په ختیځه غوطه کې ۸۰ملکیان وژل شوي
دا په داسې حال کې ده چې د سوريې دولتي ځواکونه دمشق ته نږدې د افراطي وسله والو په وروستي پټنځاى کې خپلو تهاجمي عملياتو ته ادامه ورکړې ده.
د سوريې د بشري حقونو د څار اداره چې مرکز يې په بريتانيا کې دى وايي په ختيځه غوطه کې د روسيې په هوايي حملو کې پرون لږ تر لږه ٨٠ تنه ملکيان وژل شوي دي.
له دې سره په دې سيمه کې د پوځي عملياتو په لړ کې د وژل شويو کسانو شمېر ١٣٥٠ کسانو ته ورسېد.
دغه پوځي عمليات شا و خوا مياشت مخکې پيل شوي دي.