د سعودي د عدلي سیستم په اړه د یوې لاهور مېشتې حقوقي ډلې غبرګون
دغو ډلو نن چهارشنبه یو ۲۹ صفحه یي راپور خپور کړی او ویلي یې دي چې د سعودي عربستان عدلي او قضایي سیستم په ځانګړي ډول، د پاکستانیانو لپاره لا سخت دی، داسې چې هغوی حقوقي مرستو په ترلاسه کولو، د سعودي په محاکمو کې د دوسیو د ارزولو او په هغه هېواد کې د پاکستان د سفارت له چارواکو څخه د قنسلي خدماتو په ترلاسه کولو کې، له سختو ستونزو سره مخامخ دي.
سعودي عربستان د شااوخوا ۱۲ میلیونه بهرنیو اتباعو کوربه دی چې د دغه هېواد د نفوس یو په درېیمه برخه جوړوي.
د بشري حقونو د څار ډله وایي، یو میلیون او شپږ لکه پاکستانیان په سعودي عربستان کې ژوند کوي چې ډېری یې د کار لپاره ورغلي دي.
د دغې ډلې په خبره، سعودي عربستان په تېرو څلورو کلونو کې ۷۳ تنه پاکستانیان اعدام کړي دي چې ډېری یې د هیروئینو په قاچاق تورن وو.