په اوکراین کې د اداري فساد په وړاندې محکمه جوړېږي
د داسې يوې محکمې غوښتنه اعتراض کوونکو ډلو او د اوکراین بهرنيو متحدانو کوله.
د اروپايي ټولنې او د پيسو نړيوال صندوق په اوکراین کې د اداري فساد پر وړاندې د اصلاحاتو غوښتنه کړې.
د اداري فساد پر وړاندې د شفافیت نړيوالې ادارې لهخوا اوکراین تېر کال په اداري فساد د ککړو هېوادونو په لېست کې له ۱۸۰ هېوادونو څخه ۱۳۰م بلل شوی وو.
د اروپايي متحدانو او په کيف کې د پارلمان مخې ته د راټولو شويو اعتراض کوونکو تر فشار لاندې ولسمشر پټرو پورشنکو تېر کال په اکټوبر مياشت کې ژمنه وکړه چې په راتلونکي کې به د داسې يوه قانون پر تصويب ټينګار وکړي.
ده ويلي چې له مخکې يې لا په کلنۍ بودجه کې د اداري فساد پر وړاندې محکمې لپاره بودجه ځانګړې کړې ده.