World News in Pashto

د ترکیې د کډوالو اداره وايي چې په تیر نږدې یو کال کې له ۴۲ زرو ډیر افغان کډوال په دغه هیواد کې د قانوني استوګنې اسنادو د نه درلودلو له امله نیول شوي دي. دې ادارې په یوه نوي راپور کې ویلي چې په دې موده کې، په ټولیزه توګه له ۱۵۲ زرو ډیر کډوال نیول شوي دي، چې افغانستان د نیول شویو کسانو د لیست په سر کې دی. محمد ناصر د کابل ښار اوسېدونکی ځوان دی چې د ترکیې د پولیسو لخوا له نیولو وروسته بیرته افغانستان ته ډیپورت شوی دی. ده د پنجشنبې په ورځ «د جدي په ۴مه» ازادي راډیو ته وویل چې په ناقانونه لاره د کار موندنې... Читать дальше...

وروسته له هغه چې په ایران کې د افغانستان د پولیسو یو پخوانی لوړپوړی جنرال او همکار یې هدف وګرځول شول، په هغه هېواد کې مېشت یو شمیر افغان پخواني پوځیان د ځان د امنیت اړوند سخت اندېښمن او د ګڼو نورو غبرګونونه یې راپارولي دي. د افغانستان د تېر جمهوري نظام پر مهال د تخار، بغلان او نورستان ولایتونو د وژل شوي امنیه قوماندان جنرال اکرام الدین سریع سکرتر او نږدې خپلوان د پنجشنبې په ورځ د «ډسمبر په ۲۵مه» ازادي راډیو ته وویل، سریع او د صافي په تخلص هغه سره مل یو همکار یې پرون چهارشنبې د ماښام شاوخوا شپږ بجې... Читать дальше...

د شمالي وزیرستان د میرلي سیمې اوسیدونکي وایي چې د پوځیانو او وسله والو د نښتې پرمهال د خلکو پر کورونو توغندي او مرمۍ لګیدلې دي چې د ماشومانو په ګډون شاوخوا پنځلس ملکیان ټپيان شوې دي. ملک نثار علي خان چې په سیمه کې د عوامي نشنل ګوند مشر دی، مشال راډیو ته وویل چې دا نښته نن سهار پيل شوه او د ده پر کور د توغندي د لګیدو له امله د ده لور، ورور او وراره ټپیان شوې دي. د وزیرستان ملکي ادارې او د پاکستان پوځ تر اوسه د دې جګړې په اړه څه نه دې ویلي، خو تر دې مخکې یې بیا بیا د پوځي عملیاتو پرمهال د ملکیانو د خوندیتوب ژمنې کړې دي.

په داسې حال کې چې د پاکستان حکومت د بې اسناده او اسناد لرونکو افغانانو ایستلو ته دوام ورکړی دی، د مردان په یو پنډغالی (کیمپ) کې له ۵۰۰ څخه اوس یوازې دوه کورنۍ پاتې دي، نورې ټولې افغانستان ته تللې دي. داراز، له مرکزي جلاله کیمپه هم تر نیمايي زیاتې کورنۍ هېواد ته ستنې شوې دي. د پاکستان د کورنیو چارو وزیر محسن نقوي د ډېسېمبر پر لومړۍ نېټه ویلي ول چې د کډوالو پاتې ټول کیمپونه تړي، خو زیاته کړې یې وه چې د خیبر پښتونخوا حکومت ورسره په دې برخه کې همکاري نه کوي. د خیبر پښتونخوا حکومت په تېرو وختونو کې د... Читать дальше...

د ازادې اروپا د ازادي راډیو د تاجکستان څانګه د خپلو سرچینو په قول وايي چې له افغانستان سره د تاجکستان په پوله کې نښته شوې او په ترڅ کې یې دوه تاجک پوله ساتي وژل شوي دي.

اسراییل نن ایران ته د جاسوسۍ په تور د یوه اسراییلي د نیولو خبر ورکړ. دا کس څو ورځې وروسته تر دې نیول شوی دی چې ایران یو ایرانی اسراییل ته د جاسوسۍ په تور اعدام کړ. په اسراییل کې نیول شوی تورن کس څو څلویښت کلن دی چې په ریشون لتسیون ښار کې ژوند کوي. د اسراییلي پولیسو او استخباراتو په ګډه اعلامیه کې راغلې دي چې پر دې کس د پخواني صدراعظم نفتالي بینت کور ته څیرمه عکس اخیست. په بیان کې ویل شوې دي چې دې سړي په خپل ښار کې د بیلابیلو ځایونو عکسونه اخیستې دي او د پیسو په بدل کې یې پلورلي دي. اسراییل او ایران له اوږدې مودې راهیسې یو بل په جاسوسۍ تورنوي.

افغان سندرغاړی فرهاد دریا وايي، په ۲۰۲۵ کال کې د خپلو کنسرتونو لړۍ چې له استرالیا یې پیل کړې وه، په جرمني کې پای ته رسوي.هغه وویل د نوي زېږدیز کال په مناسبت کنسرت به یې د جنوري د لومړۍ نېټې په شپه په هامبورګ کې وي. دریا وايي، د نوي لمریز کال یا نوروز لپاره به هم ځانګړې سندرېزې ډالۍ ولري.

په مردان کې په یوه کلیسا کې مسیحیان (عیسویان) په پښتو ژبه عبادت کوي او پادریان ورته خطبې هم په پښتو کې کوي. د کلیسا مرستیال پادري وايي، هغه کلیسا په ۱۹۳۶ز کال کې جوړه شوې وه او پکې مسیحیان له ۱۹۳۹ز راهیسې عبادت کوي. اېمېنول غلام وايي، کلیسا ته له مردان پرته د چارسدې، صوابۍ او سوات مسیحیان هم ورځي. دی وايي، مسیحیان هلته انجیل هم په پښتو لولي او ټول حمدیه کتابونه یې هم په پښتو ژبه دي. تفصیل په دې ویډيويي رپورټ کې.

د تاجکستان سرحدي ځواکونو نن وویل چې د افغانستان له سرحد سره یې د یوې نښتې پرمهال دوه افسران وژل شوې دي. د تاجکستان د ملي امنیت د دولتي کمیټې د سرحدي ځواکونو په اعلامیه کې راغلې دي چې دا پيښه د چهارشنبې په ماسپښن د شمس الدین شاهین په ولسوالي کې رامنځته شوه. تاجک چارواکي وایي، په دې نښته کې درې برید کوونکي هم وژل شوې دي او درې ماشیندار، درې ټوپک، لس لاسي بمونه، د شپې لیدو لپاره یوه دستګاه او یوشمیر مهمات له برید کوونکو څخه نیول شوې دي. د تاجکستان سرحدي ځواکونو افغان طالبان تورن کړل چې د سیمې د ثبات... Читать дальше...

د ملګرو ملتونو د بشري حقونو چارو یوې کارپوهې خبرداری ورکړی دی چې د پاکستان تحریک انصاف (پي ټي ای) د بنسټګر او د پخواني وزیراعظم عمران خان د ښځې بشرا بي بي په زندان کې د ساتلو "شرایط" د هغې "بدني او ذهني روغتیا ته سخت ګواښ" پېښولای شي.د ملګرو ملتونو د بشري حقونو چارو دفتر د ډېسېمبر پر ۲۴مه پر خپله ووبپاڼه د ځورونو او تشدد په اړه د ملګرو ملتونو د ځانګړې راپور ورکوونکې الېس جېل اېډورډز له خولې لیکلي دی چې د پاکستان "دولت مکلف دی" چې د هغې "صحت" ته پام وکړي او "باوري کړي چې په حراست کې یې د ساتلو شرایط له انساني وقار سره" سمون خوري. Читать дальше...