Русија и Турција пред договор за испорака на С-400

„За С-400 тече дискусијата, практично ја завршивме целата техничка страна, а денес тече дискусијата за финансискиот дел. Турската страна е во потрага по можност да добие од некаде финансирање“, изјави првиот човек на „Ростех“, пренесува „Комерсант“.

Турциjа постигна согласност со Русија за С-400

Чемезов изјави дека руската страна не ја исклучува можноста за давање кредит на Турција за купување на ракетните системи. „Знам дека ова прашање беше на меѓувладино ниво, затоа што само владата може да даде кредит врз основа на меѓувладин договор. Знам дека меѓу Министерството за финансии на Турција и Министерството за финансии на Русија се водеа такви преговори, но како завршија, не знам“, објасни Чемезов.

Тој не сакаше да прецизира колкав број на комплети С-400 сака да набави Турција.

„Договорот засега сѐ уште не е потпишан, затоа на оваа тема засега нема да зборуваме“, прецизираше шефот на „Ростех“.

Претходно руските медиуми соопштија дека Москва е подготвена да ѝ испорача на Анкара системи С-400 по цена од 500 милиони долари за дивизион.