Шојгу им го честиташе на војниците и на ветераните Денот на победата

„Другари војници и морнар, подофицери и старешини, помлади офицери, мичмани и офицери! Драги ветерани! На 9 мај Русија одбележува сенароден празник - Денот на победата“, се наведува во честитка објавена на сајтот на руското воено министерство. 

Шојгу истакна дека 9 мај „останува симбол на вистинскиот патриотизам и на духовното величие на нашиот народ“, кој не само што ја одбранил својата земја, ами и ја ослободил Европа од нацизмот. Министерот го истакна и „величието на подвигот“ на советските луѓе на фронтот и нивниот „несебичен труд“ во тилот и  го истакна континуитетот на борбените традиции меѓу советските и руските војници.

Путин им го честита Денот на Победата на голем број лидери

Денешните бранители на татковината „чесно го вршат војничкиот долг, сигурно стојат на стража на безбедноста на земјата, успешно ги решаваат задачите поврзани со борбата против меѓународниот тероризам“, изјави Шојгу.

Тој им посака на сите „здравје, среќа, благосостојба, нови успеси и достигнувања за доброто на татковината“ и издаде наредба во градовите на Русија да започне артилериски почесна стрелба во 22:00 часот по локално време.