Трамп: Не го познавам Путин и немам бизнис во Русија
Претседателот на САД Доналд Трамп на својот „Твитер“ профил изјави дека не го познава рускиот лидер Владимир Путин и дека нема бизнис во Русија.
Шефот на американската држава уште еднаш го нарече Иран терористичка држава број еден во светот.
I don't know Putin, have no deals in Russia, and the haters are going crazy - yet Obama can make a deal with Iran, #1 in terror, no problem!
— Donald J. Trump (@realDonaldTrump) February 7, 2017„Не го познавам Путин, немам бизнис во Русија, а сите што ме мразат полудуваат, притоа Обама може да склучи договор со „терористот број еден“ Иран – нема проблем!“, напиша Трамп.
Претходно министерот за надворешни работи на Русија Сергеј Лавров изјави дека Иран никогаш не бил забележан дека има врска со „Исламската држава“, „Џебхат ан Нусра“ и слични терористички организации, пишува „Газета.ру“.