Новиот шеф на МНР Германија ги наведе условите за укинување на санкциите

„Германија и Франција имаат јасен став за санкциите... Ние сакаме реализација на „Минската спогодба“ и тоа е единствениот услов според под кој санкциите можат да бидат укинати“, изјави Габриел по средбата со министерот за надворешни работи на Франција Жан-Марк Еро, пренесува „Взгљад“.

Зигмар Габриел заинтересиран за развој на пријателски односи со Русија

Оваа позиција ја потврди и Еро, кој истакна дека е потребно „долготрајно решение“ за ситуацијата во Украина. Тој повика што е можно поскоро да се имплементира „Минската спогодба“ при „плоден и конструктивен дијалог со Русија“. Според Еро, дијалогот треба да биде „во исто време цврст и отворен“, но во него е потребно да се избегне логиката на Студената војна.

Габриел, пак, истакна дека Париз и Берлин имаат исто мислење за голем број прашања. Според него, веќе има договор за воспоставување на билатерални работни групи на ниво на политички директори за прашања поврзани со Русија и Украина, како и за „трансатлантските односи, политиката на Блискиот Исток и иднината на Европа“.