Путин: нарачателите на фалсификатите за Трамп се полоши од проститутки

Според зборовите на шефот на руската држава, проституцијата претставува сериозна и безобразна појава, затоа што жените се занимаваат со тоа поради фактот што не можат да заработат на друг начин.

Трамп: немам ништо со Русија

„А пак луѓето, кои нарачуваат фалсификати од таков вид, кои ги шират сега против новоизбраниот претседател на САД, ги фабрикуваат и ги користат во политичката борба – тие се полоши од проститутки. Тие немаат никакви морални граници“, истакна рускиот претседател по средбата со претседателот на Молдавија Игор Додон, пренесува РТ на руски.

Путин потенцираше дека Русија постојано си има работа со такви луѓе, меѓутоа фактот што таквите методи се користат против новоизбраниот претседател на САД се уникатен случај.

„Досега немало такво нешто. Тоа зборува за значителниот степен на деградација на политичките елити на Запад, вклучувајќи ги и САД. Но, јас силно се надевам дека здравиот разум ќе надвладее“, додаде Путин.