МНР РФ: Подготвени да соработуваме со партнерите за Сирија, меѓу нив и САД

Москва е подготвена да соработува со партнерите, вклучувајќи ги и САД, за сите аспекти за регулирање на сириската криза, се вели во коментарот на постојаното претставништво на Русија во ООН и другите меѓународни организации во Женева објавен на сајтот на Министерството за надворешни работи на РФ.

„Меѓутоа таквата соработка може да се врши исклучително врз основа на рамноправност и со почитување на принципите на одговорен однос спрема своите обврски“, се вели во соопштението.

Русија во ООН со листа на воени злосторства на САД и коалицијата во Сирија

Во коментарот се истакнува дека Русија го обезбедила исполнувањето на режимот на прекин на борбените дејствија од страна на сириската влада, додека САД не успеаја да го гарантираат почитувањето на примирјето од страна на вооружените групи.

На списокот со учесници во примирјето, кој Вашингтон ѝ го предаде на руската страна, се наоѓаат и групи кои војуваат во состав на терористичките организации „Исламска држава“ и „Џебхат ан Нусра“. „Присуството на бандитите од „Ахрар аш Шам“ и „Нур ад Дин аз Зинки“ во принцип го дискредитира американскиот список“, истакнува постојаното претставништво.

Притоа антируската кампања во медиумите, која се обидува „да ја издвои нашата земја како „извор“ на речиси сите неволји што се случуваат во Сирија“, е насочена кон прикривање на вистинските виновници за неуспехот на прекинот на огнот и вистинските причини за неисполнување на руско-американскиот договор за Сирија, се вели во коментарот што го пренесува РИА „Новости“.