Македонски тим на кошаркари во колички: „Инвалидитетот не е пречка да спортуваме“
Тимот „Wheelchair Basketball Macedonia“ речиси една година им дава шанса на луѓе со телесен инвалидитет да бидат кошаркари, иако се во колички. Некои патуваат и од внатрешноста за да дојдат на тренинзите во Скопје. Водени од тренерот Саша Димитријевиќ со поддршка на Бранко Крстевски како кондиционен тренер, оваа екипа ги покажува резултатите од тренинзите на меѓународни натпревари. Ведрите и посветени кошаркари се надеваат дека ќе бидат инспирација, за бројот на вклучени во екипата, да расте. Се радуваат на секоја нивна средба бидејќи, како што истакнуваат, за време на тренинзите и натпреварите кружи посебна енергија.