Во Стокхолм меѓународна конференција за здрава планета

„Стокхолм+50: здрава планета за просперитет на сите – наша одговорност, наша можност“ е темата на меѓународниот состанок свикан од Генералното собрание на Обединетите нации што денеска и утре ќе се одржи во главниот град на Шведска. Со тоа ќе ги одбележи 50-те години од Конференцијата на Обединетите нации за човековата животна средина во 1972 година, која за прв пат ја направи животната средина итен глобален проблем. Присуствуваа околу 122 земји, а учесниците усвоија низа принципи за животната средина, вклучувајќи ја Стокхолмската декларација и Акциониот план за човековата средина.


ОН предупредуваат дека земјата се соочува со „тројна планетарна криза“


Програмата на Обединетите нации за животна средина беше создадена како резултат на конференцијата. 50 години по тој состанок во Стокхолм, светот се соочува со тројна планетарна криза од климатски промени, загадување и отпад, губење на природата и биолошката разновидност, како и други планетарни зла кои влијаат на сегашниот и идниот просперитет и благосостојба. Генералниот секретар на ОН, Антонио Гутереш, ја опиша планетарната криза како „наша егзистенцијална закана број еден“ на која ѝ треба „итен, сеопфатен напор за да се свртат работите“.