Блинкен – Заканата од руска инвазија врз Украина е доволно блиска
„Вчера наредивме да си заминат поголемиот дел од Американците кои сè уште се во Американската амбасада во Киев“, изјави Блинкен после разговорот со своите јапонски и јужнокорејски колеги во Хонолулу.
Неколку земји ги повикаа своите граѓани да ја напуштат Украина поради страв од руска инвазија
„Ризикот од руска воена агресија е доволно висок, а заканата е доволно блиска, па тоа би било тоа разумна работа“, рече Блинкен, додавајќи дека не може да се исклучи дека Русија би направила провокација или инцидент како изговор за руски напад на Украина.
Неколку земји ги повикаа своите граѓани да ја напуштат Украина поради предупредувањата на Западните сили дека Москва е сè поблиску да изврши инвазија на својот западне сосед.
Меѓу земјите кои го направија тоа се САД, Велика Британија и Германија. Австралија денеска соопшти дека ја прекинува работата во својата амбасада во Киев.
Ројтерс јави дека од Доњецк почнал да се повлекува и американскиот персонал на ОБСЕ. Од ОБСЕ засега нема коментар.
Русија распореди повеќе од 100 илјади војници во близина на границата со Украина и започна низа воени вежби во тој регион, но тврди дека не планира да изврши инвазија на Украина.
Москва бара гаранции од Западот дека НАТО нема да дозволи Украина и другите поранешни советски републики да станат членки на Алијансата и дека воениот сојуз ќе престане да праќа оружје во Украина и ќе ги повлече своите сили од Источна Европа. САД и НАТО ги отфрлија тие барања.