Бугарија доби влада-Кирил Петков изгласан за премиер

Со 134 гласа „за“, 104 „против“ и без воздржани бугарското собрание денеска го изгласа Кирил Петков за нов премиер. Со ист број гласови беше изгласан и составот на владата.


За Петков и неговиот кабинет гласаа пратеницитеод Продолжуваме со промената, Бугарската социјалистичка партија, Има таков народ и Демократска Бугарија, односно од четирите партии кои кон крајот на минатата недела потпишаа коалициски договор. Пратеничките групи на ГЕРБ, ДПС и Вазраждане гласаа против.



Потпишан е коалицискиот договор меѓу четирите бугарски парламентарни партии


Оваа влада се формираше осум месеци по завршувањето на мандатот на третата влада предводена од Бојко Борисов. Во Бугарија годинава три пати се одржаа парламентарни избори, а по првите два циклуса не се формираше политичка влада, па со земјата владееше службена формирана од претседателот Румен Радев.



Петков- ако се даде „зелено светло“ за Скопје веднаш ќе се зајакнат националистите во двата табора


Новиот кабинет на Петков ќе има вкупно 19 министерства, меѓу кои и две нови- министерство за иновации и раст и министерство за електронско управување. Во кабинетот ќе има и пет вицепремиери.