ЕУ загрижена за односот на Москва спрема опозицијата, НВО и медиумите
Во изјавата по повод изборите во Русија, одржани од 17 до 19 септември, високиот претставник на ЕУ за надворешна политика, Жозеп Борел наведе дека ЕУ „забележала оти независни и сигурни извори пријавиле сериозни нерегуларности“.
„ЕУ жали што одлуката на Русија остро да ги ограничи големината и форматот на меѓународната посматрачка мисија на ОБСЕ/ОДИХР, го спречила нејзиното доаѓање“, истакна Борел.
Победа за Кремљ извојувана со нерегуларности
Тој додаде дека пред изборите во Русија дошло до засилена репресија врз опозициските политичари, организациите на цивилното општество и независните медиуми и новинари.
„Сево ова придонесе за ограничување на изборот за руските гласачи и нивните можности да добијат целосни и точни информации за кандидатите“, се вели во реакцијата на Борел за изборите во Русија.