САД со честитки за изборот на првата жена претседател на Танзанија

Потпретседателката на САД Камала Харис и честиташе на новата претседателка на Танзанија, Самија Сулуху Хасан, која е првата жена што ја извршува највисоката функција во оваа источноафриканска земја.


„И испраќам најдобри желби на Сулуху Самија по нејзината заклетва како нов претседател на Танзанија- првата жена што ја извршува функцијата. Соединетите држави се подготвени да работат со вас за зајакнување на односите меѓу нашите земји.“, напиша Харис на Твитер.


Сулуху Хасан, која досега беше потпретседател на земјата, положи заклетва на 19 март, два дена откако владата објави дека претседателот Џон Магуфули починал од срцева слабост. Смртта на Магуфули создаде шпекулации дека тој починал од ковид-19, откако отсуствуваше од јавноста без објаснување од крајот на февруари.


61-годишникот го негираше постоењето на коронавирус во источноафриканската земја и ја минимизираше неговата закана, препорачувајќи молитви и парни бањи.


Сулуху Хасан, кој исто така е муслиман, сега е единствената жена лидер во Африка. Претседателот на Етиопија, Сале-Ворк Зевде е жена, но улогата е главно церемонијална.