Сотировски бара расветлување на настаните во ИВЗ

Директорот на Комисијата за односи со верските заедници и религиозни групи Даријан Сотировски изјави дека судот и јавното обвинителство треба да го расветлат немилиот настан во Исламската верска заедница. Според него, комисијата се залага за што поскоро правно расветлување на тој настан, бидејќи беше дел од посочените за упад и обид за какви било промени во ИВЗ.


„Тоа не е, ниту ќе биде наша цел“, истакна Сотировски.


Тој посочи дека ја почитуваат ИВЗ и дека таа е сериозен фактор и партнер на државата. На прашање кој е легитимен претседател на ИВЗ, истакна дека тоа е Реис ул улема Хаџи Сулејман ефенди Реџепи, а Скендер Бузаку нема правосилно решение и не можат да соработуваат со него.