Манчевски: ниска свест за опасноста од сајбер криминалот

Владата во партнерство со Светската банка работи на покревање на сајбер безбедноста, со што е направен извештај во кој се лоцираат слабостите и се даваат препораки, а Владата иработи стратегија и акциски план за периодот 2018-2022 година. 


Министерот за информатичко општество и администрација Дамјан Манчевски на денешна прес-конференција изјави дека институциите во Македонија се прилично ранливи на сајбер криминалот и оти свеста за сајбер криминалот е многу ниска. Тој наведе дека ова е важно со оглед на тоа што се работи на воведување на повеќе електронски услуги.


„Овој проблем не смееме да го занемариме. Прво заради нашите граѓани, но е и од исклучителна важност во процесот во кој влегуваме, а тоа е евроатланската интеграција“, рече Манчевски. 


Тој додаде дека не смее да се дозволи Македонија да остане надвор од глобалната битка против сајбер криминалот, истакнувајќи дека сите активности се преземаат пред да се воведе електронски регистар на население и други видови услуги за граѓаните да имаат доверба.