„Вијести“: Кои се придобивките на Црна Гора од НАТО

Анализите покажуваат дека 15 месеци по зачленувањето на Црна Гора во НАТО значително се зголемил бројот на странски инвестииции во земјата, особено од земјите членки на Алијансата, објави црногорски „Вијести“.


Според весникот, од Централната црногорска банка посочуваат дека брокјите се удвоени во однос на истиот период минатата година. Според нивните податоци, во првите 6 месеци, вкупниот прилив на странскио инвестиции од земјите членки на НАТО изнесува 215, 2 милиони евра. За споредба, во истиот период лани приливот изнесувал : 96, 6 милиони евра. Во Црна Гора пропорционално најмногу инвестирала Италија, 18 проценти од севкупниот прилив на инвестиции, а потоа следат Унгарија , Турција и Белгија.


И анализите од секторот на туризмот велат дека членството и донесе бенефит на Црна Гора. Бројката на странски туристи од земјите членки на Алијансат по јануари до јуни годинава за 25 насто е зголема во однос на истиот лани, објави „Вијести“.


Покрај економскиот бенефит, пишува „Вијести“, Црна Гора има и безбедносни придобивки, наспроти тезите на противниците на НАТО интеграциите во земјата кои велеа дека членството во Алијансата нема ништо да донесе и дека трошоците за члеснтво ќе бидат преголеми.