Продолжува рочиштето за предметот на СЈО „Титаник“

Во Кривичниот суд денеска продолжи преслушувањето на аудио материјалите поднесени како доказ во предметот „Титаник“ на Специјалното јавно обвинителство, во кој се обвинети повеќемина поранешни функционери.

„Бомбите“ почнаа да се слушаат вчера, а по барање на Специјалното јавно обвинителство седум од вкупно 1.063 бомби ќе бидат слушнати без присуство на јавноста, бидејќи се работи за приватни разговори. Во судницата присутни се сите обвинети, како и вешто лице од областа на информатиката и телекомуникациите.

Вчера беше договорено рочиштата заради мајчинските обврски на поранешната министерка Гордана Јанкуловска да се одржуваат во периодот од 10 до 12 часот по што ќе следи пауза од еден час, потоа од 13 до 15 часот со пауза од еден час и од 16 до 18 часот. 

За предметот „Титаник“, од страна на СЈО поднесени се 5.910 материјални докази и предложени се 191 сведок. Во предметот обвинети се поранешниот премиер Никола Груевски и поранешните функционери Мартин Протуѓер, Кирил Божиновски, Миле Јанакиески, Гордана Јанкулоска и други поранешни фукнционери.