Фејсбук бесплатно ќе пренесува спортски натпревари во неколку азиски земји

Шпанската фудбалска дивизија „Ла Лига“ најави голем договор со Фејсбук со кој ќе им овозможи на гледачите во Авганистан, Пакистан и индискиот потконтинент бесплатно да ги гледаат на социјалната мрежа сите нејзини натпревари во следните три сезони.


Другите земји каде гледачите ќе бидат во можност да гледаат 380 натпревари од лигата се Индија, Бангладеш, Бутан, Непал, Малдиви и Шри Ланка. Првиот натпревар ќе биде пренесуван на 17 август.


Договорот е најновиот потег на Фејсбук и на технолошката индустрија воопшто, да инвестира во преземање на правата за пренесување на спортски натпревари во живо.


Фејсбук веќе им ја пренесува најголемата професионална лига во бејзбол МЛБ на гледачите во САД за еден долар по натпревар.


Питер Хотон – директорот на Фејсбук за пренесување на спортски натпревари во живо, изјави дека преносите на „Ла Лига“ во почетокот ќе бидат без реклами, но оти Фејсбук ќе го разгледува најдобриот начин за заработка во иднина.